Тек соңғы тәулікте (17-18 сәуір) біздің аурухананың қабылдау бөліміне 711 бала жүгінді, оның ішінде 306 бала түрлі жарақаттармен түсті. Өте қорқынышты сандар екенін айта кетейік.

Сондықтан біз ересектерге айтқымыз келеді.

Құрметті аналар, әкелер, ата-әжелер!

Күннің жылынғанда балалардың жарақаттану «маусымы» басталады. Бұл балалар мен спорт алаңдарында болатын көше жарақаттары, биіктіктен құлау, велосипедтер мен скейтбордтардан құлау және тағы басқалар. Сонымен қатар, балалардың қараңғыда көшеде болуы жарақат алу қаупін арттырады.

Балалардың қауіпсіздігін қамтамасыз ету – ата-ана ретінде біз үшін басты мақсат. Әрине, баланы 100% қорғау мүмкін емес, бірақ кем дегенде профилактикалық әңгімелер жүргізу қажет. Күннің жылуы мен жақындап келе жатқан мектеп каникулдарына орай мұндай әңгімелесу өте маңызды.

Балаларымызға жол қозғалысы ережелерін, ойын және спорт алаңдарындағы тәртіп ережелерін, өзендер мен су қоймаларының жағасындағы тәртіп ережелерін сақтау қаншалықты маңызды екенін тағы да еске түсірейік. Кәмелетке толмаған балалардың қараңғы түскенде көшеде жүрмеуін тағы бір рет түсіндірген жөн.

Қайғылы жағдайдың салдарын түзетуден гөрі балалар жарақатына жол бермеу әлдеқайда оңай.