24 -27 мамырда №2 көпбейінді қалалық балалар ауруханасының базасында «Балалар мен жасөспірімдерде қол мен аяқтың кемістігіне хирургия. Өзекті мәселелер мен қиын сәттер» тақырыбы бойынша мастер-класс өткізіледі.

• А.А. Кольцов – медицина ғылымының кандидаты, Ресей Федерациясының Еңбек және халықты әлеуметтік қорғау министрлігінің «Г.А. Альбрехт атындағы мүгедектерді оңалтудың федералды ғылыми орталығы» бірінші балалар травматология-ортопедиялық бөлімшесінің меңгерушісі. 
• А.А. Чикинаев – медицина ғылымының кандидаты, №2 КҚБА ортопедия және оңалту бөлімшесінің меңгерушісі.

4 күн ішінде аймақтардан және біздің клиникадан балалар ортопедтері диагностика және емдеу әдістеріне оқудан өтеді:

• балалардағы шынтақ буынының және қолдың күрделі және сирек кездесетін кемістігінің дамуы;
• туа біткен кәрі жілік шоқпарбасының шығуы, алыптық қолы мен саусақтары, қолдың 1 саусағының жетілмеуі, күрделі синдактилия, синдромдық кемістік - 3-саусақ, эктродактилия, брахисиндактилия;
• жоғарғы аяқтың жарақаттары мен ісіктерінің салдары.