№2 қалалық балалар ауруханасы 2019 жылғы 09 қазанда Нұр-Сұлтан қаласы әкімдігінің «Ниет» отбасылық денсаулық орталығымен, сондай-ақ «Дос тәуелсіз өмір» орталығы қоғамдық мүгедектер бірлестігімен бірлесіп Қазақстан Республикасындағы Мүгедектер күніне арналған мерекелік іс-шара ұйымдастырды.
Іс-шараның басты мақсаты – қоғамдық өмірдің барлық салаларына мүгедектер құқықтарын алға жылжыту, сондай-ақ кең жұртшылықтың назарын мүгедектер проблемасына аудару.
Шараны ашқан бас дәрігер Досмаилов Біржан Серікбайұлы Халықаралық мүгедектер күнімен құттықтады және «Дос тәуелсіз өмір» орталығы қоғамдық мүгедектер бірлестігін қоғамдық және әлеуметтік пайдалы іске белсенді қосқан үлесі және қоғам проблемаларына бей-жай қарамағаны үшін алғыс білдірді.
Түрлі санаттағы мүгедектігі бар адамдардың қатысуымен әсерлі концерттік бағдарлама ұйымдастырылды. Сондай-ақ қыш құмыра және мүсіндеу өнері бойынша шеберлік сыныбы өтті. Барлық қатысушылар Дос орталығының шебер мамандары!
Құрметті достар! Қаланың, елдің қоғамдық-саяси өміріне қатысуларыңыз, белсенді өмірлік ұстанымдарыңыз сіздерге деген құрметті арттыра түседі.
Сіздерге мол күш-қуат, шексіз еркіндік пен көтеріңкі көңіл-күй тілейміз, рухтарыңыз биік боп, жақындарыңыздың жылылығы мен махаббатына бөленіп жүре беріңіздер! Бақыт пен сәттілік серіктеріңіз болсын!
- Қаралды: 1427
2019 жылғы 4 қазанда №2 қалалық балалар ауруханасы базасында қалалық Қазақстандық аурухана кәсіподағы әкімшілікпен бірлесіп Қарттар күніне арналған мерекелік іс-шара ұйымдастырды.
Қарттар күнін өткізудің басты мақсаты – қарттарды, зейнеткерлерді назарсыз қалдырмау, қарттықты құрметтеу және құрметтеу дәстүрлеріне, олардың еңбегін мойындау және мемлекеттің дамуына көпқырлы үлес ретінде құрмет көрсету.
Іс-шараны аша отырып, бас дәрігер Б. С. Досмаилов отаншылдыққа тәрбиелеуді, қарт адамдарға құрмет көрсетуді – Қазақстанның мемлекеттік саясатын жүзеге асырудағы бірінші кезектегі маңызды мәселелер екенін атап өтті. «Сіздің еңбегіңіз бен барлық өмір жолыңыз өскелең ұрпақ үшін үлгі болып табылады. Сіз іс жүзінде Отанға және өз халқына шексіз қызмет етудің үлгісін көрсеттіңіз. Бұл үшін біздің төмен тағзым және алғыс білдіруімізді қабыл алыңыздар», –деді Біржан Серікбекұлы.
Сонымен қатар, №2 қалалық балалар ауруханасының еңбек ардагері, бұрынғы бас дәрігер К. К. Құлмұқанов құттықтау сөз сөйлеп, өз әріптестерін осы тамаша мерекемен құттықтады.
Халықаралық қарттар күнін атап өту игі дәстүрге айналды. Аурухана басшылығының құттықтауына Нұр-Сұлтан қаласының «Нұр Отан» партиясы Алматы аудандық филиалының өкілдері қосылды, онда аурухана қызметкерлеріне алғыс хаттар табыс етілді.
Концерттік бағдарлама ұйымдастырылып, қарттар үшін сыйлықтар мен мерекелік дастархан жайылды.
- Қаралды: 1160
Елімізде қазіргі Денсаулық сақтау жүйесімен салыстырғанда көптеген артықшылықтары бар Міндетті әлеуметтік медициналық сақтандыру (МӘМС) жүйесі енгізіліп жатыр. Жүйе жүзеге асқан соң медициналық қызметтердің сапасы айтарлықтай жақсарып, бәсекелестік артады, әр адам өзіне ұнаған дәрігерді немесе емхананы таңдау мүмкіндігіне ие болады.
МӘМС шеңберінде зертханалық және диагностикалық қызметтер, медициналық оңалту және қалпына келтіру емі қолжетімді болмақ. Ұзын саны 11 миллионға жуық адамды құрайтын азаматтардың жеңілдік берілген санаты мемлекет тарапынан сапалы және қолжетімді медицинамен толық қамтамасыз етіледі.
Жалпы, 2020 жылы халықтың шамамен 95 пайызы МӘМС жүйесіне қатысушылар қатарына қосылады.
Сондай-ақ, тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру жүйесіне қатысты сұрақтарыңыз болса, 1406 байланыс нөміріне хабарласа аласыздар.
(Байланыс орталығы сенбі, жексенбі және мерекелік күндерді санамағанда, күн сайын ⏰09:00-18:00 аралығында жұмыс істейді. Қоңырау шалу тегін).
- Қаралды: 933
Тағы мақалалар...
Соңғы жаңалықтар
-
20 Қараша 20242024 жылдың 30 қарашасында «Отохирургиядағы күрделі жағдайлар» тақырыбында...20.11.2024 at 08:31h
