№2 КҚБА-да «Қазақстан-зайырлы мемлекет» атты іс-шара өтті. Ұйымдастырушы - «Діндерді зерттеу орталығы» ЖШС.

Дәріскер Ж.Садықова ҚР Конституциясының 1-бабына сәйкес біздің еліміз өзін демократиялық, зайырлы, құқықтық және әлеуметтік мемлекет ретінде бекітетінін, оның ең жоғары құндылықтары адам, оның өмірі, құқықтары мен бостандықтары болып табылатынын айтты.

Зайырлылық - бұл мемлекеттің діндер мен діни бірлестіктерден бөлінуі; азаматтардың дінге қатынасына қарамастан теңдігі; азаматтардың дінді таңдауға және одан бас тартуға құқығын қамтамасыз ету; рухани оқу орындарын қоспағанда, білім беру ұйымдарында кез келген дінді насихаттауға жол бермеу; қоғамдағы әлеуметтік қатынастарды діни догмалармен емес, елдің заңдарымен реттеу.