Біздің ауруханаға Астана әйелдер істері және отбасы-демографиялық саясат жөніндегі қалалық комиссиясының мүшелері келді. Олар бөлімшелердің жұмысымен, №2 КҚБА-ның халықаралық қызметімен танысты. Біз Израиль, Түркия, Қытай, Ресей және басқа елдермен меморандумдарға қол қойдық. 2022 жылы 17 халықаралық шеберлік сабағы өткізілді. 2023 жылы осындай 10 шеберлік сабағы өткізіліп, тағы бесеуін өткізу жоспарда бар. Келесі аптада, 23-24 қазанда Литвадан келген профессор өткізгіштік анестезия және оны травматологияда қолдану бойынша жаңа шеберлік сабағын өткізеді. Сондай-ақ, біз Астана медицина академиясымен бірлесіп балалар мамандарының біліктілігін арттыру жаңа жобасын жоспарлап отырмыз.

"Әйелдер істері және отбасы-демографиялық саясат жөніндегі комиссия мүшелері №2 КҚБА-ға аурухана қызметімен танысу, материалдық-техникалық базаны қарау, балаларды емдеу, әкімшілік пен дәрігерлердің проблемалары мен сұрақтары бар-жоғын білу мақсатында келеді. Негізгі мақсат - танысу, сонымен бірге біз қандай жұмыс жүргізіліп жатқанын және қандай қолдау қажет екенін көргіміз келеді", - деді әйелдер істері және отбасы-демографиялық саясат жөніндегі комиссияның хатшысы Қарлығаш Саркенова.

Сондай-ақ, комиссия мүшелері біздің стационардың материалдық-техникалық жабдықталуына көңіл бөлді. Сәулелік диагностика бөлімінде комиссия мүшелері МРТ, КТ аппараттары орнатылған жаңа жабдықты қарап шықты. Мамандар осындай аппараттармен балаларды қалай тексеретінін айтып берді. Сонымен қатар, қонақтарымызды өз-өзіне қол жұмсамақ болған жасөспірімдермен жұмыс істейтін бөлімшенің жұмысына көңіл аударды.

Комиссия мүшелері аурухана жұмысының тиісті деңгейін атап өтті, және де алдағы уақытта комиссия мүшелері біздің стационармен түрлі мәселелер бойынша өзара іс-қимыл жасауды жоспарлап отыр.