«Мемлекеттік мүлік туралы» Қазақстан Республикасы Заңының 139-бабының 6-тармағына сәйкес, Нұр-Сұлтан қаласы әкімдігінің «№2 көпбейінді қалалық балалар ауруханасы» ШЖҚ МКК (бұдан әрі – Кәсіпорын) кірістілігі мен дамуын арттыру, қызметтің ең перспективалы бағыттарын анықтау мақсатында, Кәсіпорынның шығармашыл, бастамшыл қызметкерлерді қолдау үшін БҰЙЫРАМЫН:

1. 2020 жылғы 20 қарашадан бастап 2021 жылғы 20 маусым аралығында бизнес-идеялар конкурсы өткізілсін.
2. Конкурс кезеңдерінің мерзімдері белгіленсін:

I кезең «Бизнес-идея» 2020 жылғы 20 қарашадан бастап 27 қараша бойынша.

II кезең «Бизнес-жоспардың тұсаукесері» 2020 жылғы 7 желтоқсаннан бастап 9 желтоқсан бойынша.

Жеңімпазды жариялау II кезең – 2020 жылғы 15 желтоқсан.

III кезең «Бизнес-идеяны жүзеге асыру» 2021 жылғы 1 қаңтардан бастап 2021 жылғы 31 мамыр бойынша.

Жеңімпазды жариялау III кезең –2021 жылғы 20 маусым.

1 желтоқсан Қазақстан Республикасының Тұңғыш Президенті күніне орай №2 көпбейінді қалалық балалар ауруханасында Spina Bifida диагнозымен ауыратын балаларға арналған акция өтті.

Балаларға нейрохирург, ортопед, уролог, невропатолог, реабилитолог сияқты мамандар тегін консультациялық-диагностикалық көмек көрсетті. Сондай-ақ балаларға аурухананың атынан кішігірім сыйлықтар сыйланды, ал балалар өз кезегінде дәрігерлерге алғыс ретінде өз қолдарымен жасаған сыйлықтарын табыстады.